凍冰冰的日子，一班朋友相聚除了打邊爐之外，BBQ會是不二之選！但身邊總有人怕肥唔敢「埋堆」。其實，BBQ都唔一定會肥，只要循以下方法，可以令你「燒」得健康！

學識「飛甩雞皮」

燒烤前先切掉肉類上的表皮及脂肪，此舉不單有助減少攝取飽和脂肪，更可減少吸收烤焦脂肪所釋出的致癌物質。而雞翼愛好者，每次最多只可吃全翼1至2隻，因雞翼含大量表皮，每隻全翼的卡路里高達150卡！

自家醃肉啱口味兼低卡

燒烤食品店已醃好的肉類不單款式繁多而且食店位置就腳，相信大家一定光顧過，但大部分醃醬都是致肥的來源！因為那些醃醬含有大量食油及調味料！想要食得健美，建議自家製用黑胡椒、蒜、少量海鹽、香草、檸檬汁或亞麻籽油來醃製肉類，既好味又低卡。

識食當然食海鮮

除了肉類外，不少食家都喜歡選擇扇貝、蝦、魷魚等海鮮，海鮮本身高蛋白質且低脂，但緊記不要選擇已醃好肥膩醬汁的海鮮，否則得不償失。

錫紙包蔬菜首選三色椒

將蔬菜用牛油紙或錫紙包著，再加入蒜蓉和菠蘿碎一起燒，更可將蔬果鮮甜味昇華。三色椒含高維他命C和其他抗氧化物，有助防癌。而高纖及高碳水化合物的蔬菜（如粟米、番薯）可增飽肚感，有效減低進食過量的機會；此外，蔬菜亦可消膩及吸收多餘油脂，當中生菜、菇類、翠玉瓜、茄子等都是一個不錯的選擇！由於麵包的熱量高，所以1至2塊已足夠。了解後大家就知道要多預備什麼款式的蔬菜了！

貢丸芝士丸可免則免

一粒經油炸的丸已包含了30至100卡路里！還有不能少看的香腸，一條竟有約2至3茶匙油，高達130至150卡路里！知道腸、丸食品的卡路里後，就可計算平時BBQ吃了多少卡路里進肚子了。芝士丸、蟹子丸、貢丸，都被列入為高熱量名單，不建議進食；而白魚蛋、牛丸及墨魚丸則是一個比較好的選擇，吃的分量也不可以過多。

飲茶消膩又消脂

一般人在BBQ時都會預備大量啤酒、汽水，但它們都是不健康的飲料，所以我會建議大家選擇茶類飲品。不過，要留意樽裝或紙包裝的茶含有較高糖分，多飲反而會肥，大家應選擇無糖或含有消脂作用成分（如決明子）的茶飲。如果有朋友不喜歡飲茶，檸檬水都是一個不錯的選擇！

早食早吸收 先菜後肉

大家BBQ時都習慣先燒快熟的香腸、丸類食品，但先吃先吸收！所以應該先吃蔬菜再吃肉！想食得健康就要緊記以下進食順序：蔬菜＞海鮮＞肉類＞加工食品。

李正雅 營養學家

畢業於加拿大英屬哥倫比亞大學人體營養學，擁有24年營養顧問經驗及美國、澳洲、亞洲等體適能國際認可導師資格，同時身兼廚師、催眠治療師、身心語言程序學治療師等，並曾為《明報》、《香港商報》、《健康創富》等撰寫專欄。李正雅希望透過多方面著手，提供專業營養意見，設計健康餐單及食譜，指導體適能運動，為有需要人士取得真正的身心健康平衡。