香港醫護界對人才的需求一直有增無減，而且前景不俗，當中診所助護並不需要高學歷， DSE程度已可應徵，十分受年輕人歡迎。有見及此，坊間有機構就開辦有關診所助護的課程，讓應徵者對診所助護的工作職責更加了解，同時學習工作技能，為入行作準備。

由香港醫護學會舉辦的診所助護專業證書課程，導師全是擁有多年經驗的註冊護士，當中有三十多年經驗的註冊護士 Pinky表示：「課程會講解醫務所一般嘅運作、生命表徵嘅量度、配藥原則及配藥程序等理論，我哋仲會向學員示範診所會用到嘅用具，好似點着保護衣、點用血壓計等，學員可以即場試用，對將來入職會比較容易上手。」

醫護行業有前景

Pinky表示課程多年輕人報讀，「課程上 72小時，相比其他課程算係短期，畀想入行嘅年輕人較快了解呢行嘅大概工作，然後再作選擇，醫護呢行前景唔錯，有明確嘅晉升階梯，近年吸引到好多 DSE畢業生嚟報讀。」

不少學員對診所助護的工作並不了解， Pinky說助護工作並不簡單，「診所助護嘅職責係協助醫生，所以要學跟醫生嘅處方執藥、為病人量血壓，亦要懂得與病人溝通。雖然話係協助醫生，但對藥物要有一定認識，常用嘅藥名要識，加上係英文，個名仲唔短，學員要背要花一段時間。」 

到診所實習

另外，課程會安排學員到診所實習，讓他們對工作環境有進一步認知，「課程同優越醫療集團合作，學員會到診所實習 18小時，除令佢哋學以致用外，更重要係親身體驗自己適唔適合呢份工作。完成課程後，優越醫療集團仲會請番表現良好嘅學員；亦會有其他診所主動聯絡我哋招募助護，我哋會將招聘資訊轉介畀學員去應徵，現時入行助護起薪點約有$9,000至$12,000。」

課程：診所助護專業證書課程

機構：香港醫護學會

對象：有興趣人士

學費：$5,200

堂數：全日制 7日或兼讀制 18堂，共 72小時。

內容︰診所基本管理運作、病人溝通技巧、基本病理學及常見疾病護理、藥物學與配藥等。

查詢： 2575 5689